મકાઈના દાણાને મિનિટોમાં કાઢવાની નિંજા ટેકનિક, વધારે મહેનત વગર રસોડાની આ ટ્રિક્સ અપનાવો

How to Remove Corn Kernels : વરસાદની ઋતુમાં મકાઈ પુષ્કળ પ્રમાણમાં મળે છે. લોકો તેને જુદી જુદી રીતે ખાય છે. પરંતુ જ્યારે સલાડ, સૂપ, સેન્ડવિચ અથવા ચાટ બનાવવા માટે મકાઈના દાણાને અલગ કરવાની વાત આવે છે ત્યારે આ કામ ક્યારેક થોડું મુશ્કેલ લાગે છે. ખાસ કરીને આખી મકાઇમાંથી એક-એક દાણાને કાઢવો એ સમય માંગી લે છે. ઘણા લોકો ફરિયાદ કરે છે કે જ્યારે મકાઈમાંથી દાણા કાઢવાની વાત આવે છે ત્યારે ઘણીવાર અડધા દાણા કટીંગ બોર્ડ પર અને કેટલાક રસોડાના કાઉન્ટર પર વિખેરાઇ જાય છે. જો તમે પણ આ મુશ્કેલીથી બચવા માંગો છો તો તમે કેટલાક સરળ રીતની મદદ લઈ શકો છો. રસોડામાં રહેલા કેટલાતક સાધારણ વાસણો અને યોગ્ય રીતની મદદથી આ કામ એકદમ સરળ રીતે થઇ શકે છે. મકાઈમાંથી દાણાને ઝડપથી અને સરળતાથી દૂર કરવાની કેટલીક સરળ રીતો જાણો. મોટા બાઉલ અને નાના બાઉલની ટ્રિક્સ આ માટે સૌ પ્રથમ એક મોટું બાઉલ લો. ત્યારબાદ તેની અંદર એક નાનું બાઉલ ઊંધું મૂકો. આ પછી તમારે મકાઇને નાના બાઉલની ઉપર ઉભી રાખીને પકડવાની છે. દાણાને ઉપરથી નીચે સુધી કાપી લો. મકાઈના દાણા સીધા મોટા બાઉલમાં પડશે અને આસપાસ ફેલાશે નહીં. કેક મોલ્ડ અથવા વચ્ચે છિદ્ર વાળા વાસણનો ઉપયોગ જો તમારી પાસે મધ્યમાં છિદ્ર વાળો કેક મોલ્ડ કે કોઇ એવું વાસણ છે જે મકાઈના છેડો ઉભો રહી શકે, તો આ કામ વધારે સરળ બની શકે છે. મકાઇને છિદ્રમાં ઉભી રાખો અને ચપ્પાથી દાણાને ઉપરથી નીચે સુધી કાપી લો. વાસણની કિનારી દાણાઓને કમ્પાઇલ કરવામાં મદદ કરશે. અખરોટ તોડવી લાગે છે મુશ્કેલ, ઘરમાં રાખેલી આ વસ્તુઓમાંથી સરળતાથી બહાર કાઢો પહેલા મકાઇના નાના-નાના ટુકડા કરી લો જો તમને મોટી મકાઈ પકડવામાં મુશ્કેલી આવી રહી છે તો તમે તેને બે કે ત્રણ ભાગમાં કાપી શકો છો. નાના ટુકડાઓ પકડી રાખવા માટે સરળ છે અને દાણા કાઢતી વખતે હાથ પર વધુ ભાર પડશે નહીં. ખાસ કરીને મોટા અથવા વધુ લપસણા ભટ્ટા સાથે આ પદ્ધતિ કામમાં આવી શકે છે. થોડી ઉકાળ્યા પછી પણ દાણા કાઢી શકો છો કેટલીક વાનગીઓમાં મકાઈનો ઉપયોગ પહેલા ઉકાળીને કરવામાં આવે છે. આ કિસ્સામાં મકાઈને થોડી ઉકાળો અને તેને પછી ઠંડી થવા દો, અને પછી દાણાને દૂર કરો. ધ્યાનમાં રાખો કે જો દાણા વધારે ઉકાળવામાં આવે તો તે નરમ થઈ શકે છે, તેથી જો તમારે સલાડ અથવા ચાટ માટે દાણાનો આકાર અને ટેકસ્ચર જાળવવાની જરૂર હોય તો વધુ પડતું રાંધશો નહીં.