26 લાખના હિસાબથી બેંકની સભામાં ‘બબાલ’! સામસામે છૂટા હાથની મારામારી

સુરતના માંગરોળ તાલુકામાં કોસંબાની ‘ધી કોસંબા મર્કન્ટાઈલ કો-ઓપરેટિવ બેંક લિમિટેડ’ની 49મી વાર્ષિક સાધારણ સભામાં ભારે બબાલ જોવા મળી. પાંચ વર્ષની ટર્મની અંતિમ સભામાં બેંકના વહીવટ અને 26 લાખ રૂપિયાની રોકડ વધ-ઘટના હિસાબને લઈને વિરોધ પક્ષના સભાસદોએ સવાલો ઉઠાવ્યા. જે બાદ બંને જૂથો સામસામે આવી ગયા. બોલાચાલી એટલી વધી કે સભા સ્થળે જ સભાસદો વચ્ચે છૂટા હાથની મારામારી શરૂ થઈ ગઈ હતી.