લાલપુરમાં 22 ઓગસ્ટે વીજ પુરવઠો બંધ રહેશે:PGVCL કેબલ બદલશે, ટાઉન સહિત અનેક વિસ્તારો પ્રભાવિત થશે

લાલપુર શહેરમાં 22 ઓગસ્ટ, 2026ના રોજ વીજ પુરવઠો બંધ રહેશે. PGVCL દ્વારા કેબલ બદલવાની કામગીરી હાથ ધરવામાં આવનાર હોવાથી સવારે 8:30 થી બપોરના 12:00 વાગ્યા સુધી વીજળી નહીં મળે. આ કામગીરી લાલપુર 66 કે.વી. સબસ્ટેશનથી નીકળતા લાલપુર ટાઉન ફીડરમાં MVCC કેબલ બદલવા માટે કરવામાં આવશે. આ દરમિયાન ટેભડા AG અને લાલપુર ટાઉન બંને ફીડર બંધ રાખવામાં આવશે. વીજ પુરવઠાથી પ્રભાવિત થનારા વિસ્તારોમાં ટેભડા AG આખો વિસ્તાર, સહકાર પાર્ક, સદગુરુ નગર, સરિતા પાર્ક, લક્ષ્મી પાર્ક, મામલતદાર કચેરી, ગાયત્રી સોસાયટી, કોર્ટ વિસ્તાર, હનુમાન મંદિર વિસ્તાર, મધુરમ એવન્યુ, સાંદીપની સ્કૂલ, મચ્છુનગર, ગોહિલવાસ, વ્રજભૂમિ સોસાયટી, દ્વારિકાધીશ સોસાયટી, હોસ્પિટલ રોડ અને રાબડીયા શેરીનો સમાવેશ થાય છે. PGVCL દ્વારા જણાવાયું છે કે કેબલ બદલવાની કામગીરી પૂર્ણ થયા બાદ કોઈપણ પૂર્વ જાણ કર્યા વગર વીજ પુરવઠો પુનઃ શરૂ કરવામાં આવશે.