Union Bank માં 444 દિવસની FD પર કેટલું મળે વ્યાજ, વરિષ્ઠ નાગરિકોને શું થશે ફાયદા, જાણો

યૂનિયન બેંક ઓફ ઈન્ડિયા એક સરકારી બેંક છે. આ સરકારી બેંક પોતાના ગ્રહકોને ફિક્સ્ડ ડિપોઝિટ ખાતા પર શાનદાર રિટર્ન આપે છે. યૂનિયન બેંક ઓફ ઈન્ડિયામાં અલગ-અલગ એફડી ખાતા પર 2.70 ટકાથી લઈને 7.30 ટકા સુધી વ્યાજ મળે છે. આ બેંકમાં તમે ફિક્સ્ડ ડિપોઝિટ શરુ કરી મોટું ફંડ બનાવી શકો છો.

યુનિયન બેંક તેના ગ્રાહકોને ઓછામાં ઓછા 7 દિવસના સમયગાળા માટે FD ખાતા ખોલવાની મંજૂરી આપે છે. વધુમાં તમે આ બેંકમાં મહત્તમ 10 વર્ષ માટે FD ખાતા ખોલી શકો છો. ચાલો જાણીએ કે યુનિયન બેંક ઓફ ઇન્ડિયામાં 444 દિવસની FD પર કેટલું વ્યાજ ચૂકવવામાં આવે છે. એ પણ જાણીએ કે આ સરકારી બેંકમાં FD ખાતું ખોલાવવાથી વરિષ્ઠ નાગરિકોને શું લાભ મળે છે.

યૂનિયન બેંક ઓફ ઈન્ડિયામાં444 દિવસની FD પર કેટલું વ્યાજ ચૂકવવામાં આવશે?

યુનિયન બેંક ઓફ ઇન્ડિયા 444 દિવસની FD યોજનાઓ પર 6.50% થી લઈને 7.25% સુધીના વ્યાજ દરો ઓફર કરી રહી છે. યુનિયન બેંક ઓફ ઇન્ડિયા 59 વર્ષ સુધીના તમામ ગ્રાહકો માટે 444 દિવસની FD ખાતા પર 6.50% વ્યાજ આપી રહી છે. વધુમાં આ સરકારી બેંક 60 વર્ષ અને તેથી વધુ ઉંમરના વરિષ્ઠ નાગરિકો માટે 444 દિવસની FD યોજનાઓ પર 7.00% વ્યાજ આપી રહી છે. યુનિયન બેંક ઓફ ઈન્ડિયા 80 વર્ષ અને તેથી વધુ ઉંમરના સુપર સિનિયર સિટીઝન્સને તેની 444 દિવસની એફડી સ્કીમ પર 7.25 ટકા વ્યાજ આપી રહી છે. આ વ્યાજ દરો 3 કરોડ રૂપિયાથી ઓછી રકમની થાપણો પર લાગુ પડે છે.

વરિષ્ઠ નાગરિકોને કયા લાભો મળશે?

યુનિયન બેંક ઓફ ઈન્ડિયા સામાન્ય નાગરિકો કરતાં વરિષ્ઠ નાગરિકોને એફડી ખાતા પર 0.50 ટકા વધુ વ્યાજ આપે છે. વધુમાં, આ જાહેર ક્ષેત્રની બેંક સુપર સિનિયર સિટીઝનને અન્ય વરિષ્ઠ નાગરિકો કરતાં એફડી ખાતા પર 0.25 ટકા વધુ વ્યાજ આપે છે. એ નોંધવું જોઈએ કે સુપર સિનિયર સિટીઝન માટે વ્યાજ દર બેંકથી બેંકમાં બદલાય છે.

યુનિયન બેંક ઓફ ઈન્ડિયાએ 4 ઓગસ્ટ, 2026 ના રોજ તેના એફડી વ્યાજ દરોમાં સુધારો કર્યો હતો. યુનિયન બેંક ઉપરાંત દેશની અન્ય બેંકો દ્વારા એફડી ખાતા પર આપવામાં આવતા વ્યાજ દર ભારતીય રિઝર્વ બેંક દ્વારા નક્કી કરાયેલા રેપો રેટ પર આધાર રાખે છે.