સોનાની કિંમત ₹1,440 વધીને ₹1.51 લાખ થઈ:10 દિવસમાં ₹8000 ભાવ વધ્યા, ચાંદી આજે ₹1909 વધીને ₹2.33 લાખ પર પહોંચી

સોના-ચાંદીની કિંમતમાં આજે એટલે કે 10 ઓગસ્ટે વધારો થયો છે. ઇન્ડિયા બુલિયન એન્ડ જ્વેલર્સ એસોસિએશન (IBJA) અનુસાર, 10 ગ્રામ 24 કેરેટ સોનાનો ભાવ 1,440 રૂપિયા વધીને 1.51 લાખ રૂપિયા પર પહોંચી ગયો છે. એક કિલો ચાંદીની કિંમત 1,909 રૂપિયા વધીને 2.33 લાખ રૂપિયા પર પહોંચી ગઈ છે. આ મહિને એટલે કે ઓગસ્ટમાં માત્ર 6 દિવસમાં જ સોનું 8,201 અને ચાંદી 14,995 રૂપિયા મોંઘી થઈ ચૂકી છે. આ વર્ષે સોના-ચાંદીમાં અત્યાર સુધી તેજી રહી આ વર્ષે સોના-ચાંદીની કિંમતમાં સતત ઉતાર-ચઢાવ જોવા મળી રહ્યો છે. સોનું 2026માં અત્યાર સુધી 18 હજાર રૂપિયા મોંઘું થયું છે. 31 ડિસેમ્બર 2025ના રોજ 10 ગ્રામ સોનું 1.33 લાખ રૂપિયાથી ઉપર હતું, જે હવે 1.51 લાખ રૂપિયા પર પહોંચી ગયું છે. ચાંદીની કિંમતમાં 3 હજાર રૂપિયાનો વધારો થયો છે. ચાંદી 31 ડિસેમ્બર 2025ના રોજ 2.30 લાખ રૂપિયા પ્રતિ કિલો હતી, જે હવે 2.33 લાખ રૂપિયા પર છે. આ દરમિયાન 29 જાન્યુઆરીએ સોનાએ 1.76 લાખ રૂપિયા અને ચાંદીએ 3.86 લાખ રૂપિયાનો ઓલટાઇમ હાઈ પણ બનાવ્યો હતો. સોનું આ વર્ષે 1.60 લાખ સુધી જઈ શકે છે કોમોડિટી એક્સપર્ટ અજય કેડિયાના મતે સોના-ચાંદીના ભાવ તેમના ઉચ્ચતમ સ્તરથી ઘણા નીચે આવી ગયા છે. આવી સ્થિતિમાં, રોકાણકારો તેમાં રોકાણ કરી રહ્યા છે, જોકે તેમાં એકસાથે રોકાણ કરવાનું ટાળવું જોઈએ. અજય કેડિયાના મતે, વર્ષના અંત સુધીમાં સોનું ફરી એકવાર 1.60 લાખ અને ચાંદી 2.80 લાખ રૂપિયા સુધી જઈ શકે છે. સોના-ચાંદીમાં ETF દ્વારા કરી શકાય છે રોકાણ એક્સચેન્જ ટ્રેડેડ ફંડ સોના અને ચાંદીના વધઘટ થતા ભાવો પર આધારિત હોય છે. ગોલ્ડ ETF અથવા સિલ્વર ETFની ખરીદ-વેચાણ શેરની જેમ જ BSE અને NSE પર કરી શકાય છે. જોકે, તેમાં તમને સોનું કે ચાંદી મળતું નથી. જ્યારે તમે તેમાંથી બહાર નીકળવા માંગો છો, ત્યારે તમને તે સમયના સોના-ચાંદીના ભાવ બરાબર પૈસા મળી જશે. તેમાં 500 રૂપિયાથી પણ ઓછામાં રોકાણની શરૂઆત કરી શકાય છે. તેમાં કેવી રીતે કરી શકાય રોકાણ? ETF ખરીદવા માટે તમારે તમારા બ્રોકર દ્વારા ડીમેટ એકાઉન્ટ ખોલાવવું પડે છે. તેમાં તમે NSE પર ઉપલબ્ધ ETFના યુનિટ ખરીદી શકો છો અને તેના બરાબરની રકમ તમારા ડીમેટ એકાઉન્ટ સાથે જોડાયેલા બેંક એકાઉન્ટમાંથી કપાઈ જશે. તમારા ડીમેટ એકાઉન્ટમાં ઓર્ડર આપ્યાના બે દિવસ પછી ETF તમારા એકાઉન્ટમાં જમા થઈ જાય છે. ટ્રેડિંગ ખાતા દ્વારા જ ETFનું વેચાણ થાય છે.