PM દિલ્હીની શ્રીરામ કોલેજનાં શતાબ્દી સમારોહમાં પહોંચ્યા:મેટ્રોમાં બાળકો સાથે વાત કરી, Gen-Zને સંબોધિત કરશે

PM મોદી 13 વર્ષ પછી શનિવારે દિલ્હી યુનિવર્સિટીની શ્રીરામ કોલેજ ઓફ કોમર્સ (SRCC) પહોંચી રહ્યા છે. તેઓએ મેટ્રોથી મુસાફરી કરી. પીએમ કોલેજના 100 વર્ષ પૂરા થવાના અવસરે આયોજિત સમારોહમાં સામેલ થશે અને કાર્યક્રમને સંબોધિત કરશે. પીએમ આ પહેલાં 2013માં આ કોલેજની મુલાકાત લઈ ચૂક્યા છે. તે સમયે તેઓ ગુજરાતના મુખ્યમંત્રી હતા. તેના એક વર્ષ પછી, 2014માં તેઓ પીએમ બન્યા. આ વર્ષે એપ્રિલમાં પીએમ મોદીએ સંસ્થાના 100 વર્ષ પૂરા થવાના અવસરે એક સ્મારક ટપાલ ટિકિટ જાહેર કરી હતી. PM મોદીએ લખ્યું- SRCCએ નેતાઓની પેઢીઓ તૈયાર કરી ઇવેન્ટ માટે રવાના થતા પહેલાં પીએમ મોદીએ X પર એક પોસ્ટમાં લખ્યું- આ કોલેજે શૈક્ષણિક શ્રેષ્ઠતા, સંસ્થા નિર્માણ અને વ્યવસાય, જાહેર જીવન અને સમાજમાં નેતાઓની પેઢીઓને તૈયાર કરવાના મામલે વર્ષોથી પોતાની અલગ ઓળખ બનાવી છે. શ્રીરામ કોલેજની સ્થાપના 1926માં થઈ હતી દિલ્હી યુનિવર્સિટીની શ્રીરામ કોલેજ ઓફ કોમર્સ ભારતના અગ્રણી ઉચ્ચ શિક્ષણ સંસ્થાનોમાંની એક છે અને વાણિજ્ય, અર્થશાસ્ત્ર અને મેનેજમેન્ટના ક્ષેત્રોમાં શિક્ષણનું એક પ્રતિષ્ઠિત કેન્દ્ર છે. પ્રખ્યાત ઉદ્યોગપતિ અને સમાજસેવક સર શ્રીરામ દ્વારા 1926માં સ્થાપિત આ કોલેજે એક સદી દરમિયાન વિદ્વાનો, વ્યાવસાયિકો, પ્રશાસકો, ઉદ્યોગસાહસિકો, નીતિ-નિર્માતાઓ અને રાષ્ટ્ર-નિર્માતાઓની પેઢીઓ તૈયાર કરી છે.