કોઠાવિરડીના નેસ વિસ્તારમાં કલેક્ટરની ગ્રામજનો સાથે રાત્રીસભા:સ્થાનિક પ્રશ્નો અને પાણી, રસ્તા, વીજળી જેવી સુવિધાઓ પર ચર્ચા

જામનગર જિલ્લા કલેક્ટરે જામજોધપુર તાલુકાના કોઠાવિરડી ગામની મુલાકાત લીધી હતી. આ પ્રવાસ દરમિયાન ગામના નેસ વિસ્તારમાં ગ્રામજનો સાથે રાત્રીસભા યોજવામાં આવી હતી. આ રાત્રીસભામાં ગામલોકોએ પોતાના વિસ્તારના વિવિધ પ્રશ્નો અને જરૂરી સુવિધાઓ અંગે કલેક્ટરને રજૂઆતો કરી હતી. ખાસ કરીને પીવાના પાણી, રસ્તા અને વીજળી જેવી પાયાની સુવિધાઓ પર ચર્ચા થઈ હતી. કલેક્ટરે ગ્રામજનોના પ્રશ્નો ધ્યાનથી સાંભળ્યા અને તેના પર સંબંધિત અધિકારીઓ સાથે ચર્ચા કરી. તેમણે ગ્રામજનો સાથે વાતચીત કરીને સ્થાનિક પરિસ્થિતિ અને લોકોની જરૂરિયાતોને સમજવાનો પ્રયાસ કર્યો. આ મુલાકાત દરમિયાન કલેક્ટરે ગ્રામજનો દ્વારા ગવાતા લોકમાન્ય દુહાઓ પણ સાંભળ્યા હતા. તેમણે ગ્રામ્ય ખાણી-પીણીનો પણ સ્વાદ માણ્યો, જે ગ્રામ્ય પરંપરા અને લોકસંસ્કૃતિનો એક ભાગ છે. આ સમગ્ર મુલાકાત માત્ર સરકારી પ્રશ્નો પૂરતી સીમિત ન રહેતા, અધિકારી અને ગ્રામજનો વચ્ચે ગ્રામ્ય સંસ્કૃતિ અને લોકજીવનની ઝલક સાથેનો સંવાદ પણ બની હતી.