પોલીસને બાતમી આપવાની અદાવતમાં યુવકને મારી નાખવાની ધમકી:કેફી પીણું વેચનાર શખ્સને પકડાવ્યાની દાઝ, છ સામે પોલીસ ફરિયાદ

ભાવનગર શહેરના કુંભારવાડા વિસ્તારમાં આવેલા મોતીતળાવ રામાપીરના મંદિર પાસે રહેતા અને અલંગના ભંગારનો વ્યવસાય કરતા 32 વર્ષીય ઈરફાનભાઈ અશરફભાઈ સુમરાએ બોરતળાવ પોલીસ મથકમાં છ શખ્સો સામે ફરિયાદ નોંધાવી છે. ફરિયાદ મુજબ, તેમના ઘર પાસે રહેતો અકરમ કેફી પીણાનું વેચાણ કરતો હતો. આ અંગે ઈરફાનભાઈએ પોલીસને બાતમી આપતા પોલીસે કાર્યવાહી કરી અકરમને ઝડપી જેલ હવાલે કર્યો હતો. અલગ-અલગ સમયે આવી ધમકીઓ આપી અકરમને પોલીસને પકડાવ્યાની દાઝ રાખી તેના ભાઈ આસિફ સહિત છ શખ્સોએ ઈરફાનભાઈને ધમકાવવાનું શરૂ કર્યું હતું. ફરિયાદ મુજબ, આસિફ ઇલિયાસભાઈ વળદોરિયા, અનિસ સલીમભાઈ માંકડ, સમીર સલીમભાઈ માંકડ, ઇરફાન અબ્બાસભાઈ વળદોરિયા, મુબારક ઉર્ફે ગોયો અને દેવલ અલગ-અલગ તારીખે અને અલગ-અલગ સમયે આવી ઈરફાનભાઈને અપશબ્દો બોલતા હતા. જાનથી મારી નાખવાની ધમકી આપ્યાનો આક્ષેપ ફરિયાદમાં વધુમાં જણાવાયું છે કે છ શખ્સોએ ઈરફાનભાઈને જાનથી મારી નાખવાની ધમકી આપી હતી. સતત ધમકીઓ મળતાં આખરે તેમણે બોરતળાવ પોલીસનો સંપર્ક કરી તમામ છ શખ્સો સામે ફરિયાદ નોંધાવી હતી. પોલીસે ગુનો નોંધી કાર્યવાહી શરૂ કરી ફરિયાદના આધારે બોરતળાવ પોલીસે આસિફ ઇલિયાસભાઈ વળદોરિયા સહિત છ શખ્સો સામે BNSની કલમ 351(3), 352 અને 54 હેઠળ ગુનો નોંધી ધોરણસરની કાર્યવાહી હાથ ધરી છે. સમગ્ર મામલે પોલીસે ફરિયાદના આધારે વધુ તપાસ શરૂ કરી છે.