લાલપુરમાં ગણેશ ઉત્સવ પહેલા શાંતિ સમિતિની બેઠક:PSI એસ.પી. ગોહિલના અધ્યક્ષસ્થાને, શાંતિ અને કોમી સદભાવ જાળવવા અપીલ

લાલપુર પોલીસ સ્ટેશનમાં PSI એસ.પી. ગોહિલના અધ્યક્ષસ્થાને શાંતિ સમિતિની બેઠક યોજાઈ હતી. આ બેઠક આગામી ગણેશ ઉત્સવને ધ્યાનમાં રાખીને બોલાવવામાં આવી હતી.બેઠકનો મુખ્ય હેતુ ગણેશ ઉત્સવ દરમિયાન શાંતિ અને કોમી સદભાવ જાળવી રાખવાનો હતો. આ માટે ઉપસ્થિત સૌને અપીલ કરવામાં આવી હતી. આ બેઠકમાં જિલ્લા ભાજપ ઉપપ્રમુખ હીરજીભાઈ ચાવડા, તાલુકા ભાજપ ઉપપ્રમુખ રમેશભાઈ ગમારા, વચ્છરાજ ગૌશાળાના પ્રમુખ અરજણભાઈ કરમુર, ગ્રામ પંચાયત સભ્ય આરીફભાઈ શેખ, મેમણ સમાજના પ્રમુખ અજીતભાઈ પટેલ અને તાલુકા ભાજપ લઘુમતી મોરચાના પ્રમુખ બસીરભાઈ શમા હાજર રહ્યા હતા. આ ઉપરાંત અન્ય આગેવાનો અને શાંતિ સમિતિના સભ્યો પણ ઉપસ્થિત રહ્યા હતા.