જન્માષ્ટમીને લઈ મોરબીમાં પોલીસનું ફૂટ પેટ્રોલિંગ:DYSP જે.એમ. આલની આગેવાનીમાં અધિકારીઓ-કર્મચારીઓએ શહેરમાં પેટ્રોલિંગ કર્યું

મોરબીમાં જન્માષ્ટમીના તહેવારને કારણે કાયદો અને વ્યવસ્થા જાળવી રાખવા પોલીસે કડક બંદોબસ્ત ગોઠવ્યો છે. તેના ભાગરૂપે મોરબી સિટી A ડિવિઝન પોલીસ સ્ટેશન વિસ્તારમાં ફૂટ પેટ્રોલિંગ કરવામાં આવ્યું. DYSP જે.એમ. આલની આગેવાનીમાં યોજાયેલા આ ફૂટ પેટ્રોલિંગમાં મોરબી ડિવિઝનના વિવિધ પોલીસ સ્ટેશનના અધિકારીઓ અને કર્મચારીઓ જોડાયા હતા. આ ઉપરાંત મોરબી LCB અને SOGની ટીમોએ પણ પેટ્રોલિંગમાં ભાગ લીધો. જન્માષ્ટમીના તહેવારમાં મોટી સંખ્યામાં લોકોની અવરજવર રહે છે, જેથી કોઈ અણબનાવ ન બને અને શહેરમાં શાંતિપૂર્ણ માહોલ જાળવી રાખવા માટે પોલીસ સતત પેટ્રોલિંગ અને બંદોબસ્ત રાખી રહી છે.