જમીન ધારકો માટે મોટો નિર્ણય: ટુકડા ધારાના જૂના કેસોમાં હવે દંડ નહીં ભરવો પડે, જાણો નવા કાયદાના મુખ્ય ફાયદાઓ

ગુજરાત વિધાનસભામાં 'ગુજરાત ખેતીની જમીનના ટુકડા પડતા અટકાવવા અને એકત્રીકરણ કરવા બાબતનો (સુધારા) વિધેયક-2026' સર્વાનુમતે પસાર થયું. મહેસૂલ મંત્રી ઋષિકેશ પટેલે રજૂ કરેલા આ વિધેયકથી લાખો ખેડૂતોને જમીન સંબંધી કાનૂની ગૂંચવણોમાંથી મુક્તિ મળશે. 1948 થી 31 માર્ચ 2026 સુધીના ટુકડા ધારાના ભંગના કેસો દંડ વગર નિયમિત થશે. હવે સમગ્ર રાજ્યમાં 10 ગુંઠાથી નાનો ખેતીનો ટુકડો પાડી શકાશે નહીં અને શહેરી વિસ્તારોને ટુકડા ધારામાંથી મુક્તિ મળી છે.