જિલ્લા પોલીસવડાએ મેઘપર પડાણા પોલીસ મથકનું ઇન્સ્પેક્શન કર્યું:કામગીરી અને રેકોર્ડની સમીક્ષા કરી, અધિકારીઓને માર્ગદર્શન આપ્યું

જામનગર જિલ્લા પોલીસવડા ડૉ. રવિ મોહન સૈનીએ મેઘપર પડાણા પોલીસ મથકની વાર્ષિક મુલાકાત લીધી હતી. તેમણે પોલીસ મથકનું ઇન્સ્પેક્શન કર્યું હતું. ઇન્સ્પેક્શન દરમિયાન, પોલીસ મથકની કામગીરી, અલગ અલગ રેકોર્ડ, ગુનાઓની તપાસ અને પેન્ડિંગ કેસોની વિગતવાર સમીક્ષા કરવામાં આવી હતી. કાયદો અને વ્યવસ્થાને લગતી કામગીરી પણ તપાસવામાં આવી હતી. પોલીસ મથકના અધિકારીઓ અને કર્મચારીઓ સાથે જરૂરી ચર્ચા કરવામાં આવી હતી. તેમને ફરજ દરમિયાન આવતી કામગીરી અંગે માર્ગદર્શન અપાયું હતું. આ સાથે જ, પોલીસ તંત્રની કામગીરી વધુ સારી અને અસરકારક બને તે માટે સૂચનાઓ આપવામાં આવી હતી. વિસ્તારમાં કાયદો અને વ્યવસ્થા જળવાઈ રહે તે માટે પણ જરૂરી આદેશો અપાયા હતા.