જામનગરમાં શ્રાવણના ચોથા સોમવારે દિવ્ય દર્શન:ઈચ્છેવર અને બેડેશ્વર મહાદેવ મંદિરમાં સોમનાથ-અમરનાથ સ્વરૂપના દર્શન થયા

શ્રાવણ માસના ચોથા સોમવારે જામનગરમાં ભક્તિમય માહોલ જોવા મળ્યો હતો. શહેરના શિવ મંદિરોમાં દિવ્ય દર્શન માટે ભક્તોની ભીડ ઉમટી હતી. ગાંધીનગર વિસ્તારમાં આવેલા શ્રી ઈચ્છેવર મહાદેવ મંદિરમાં શ્રાવણના ચોથા સોમવારે સોમનાથ સ્વરૂપના દિવ્ય દર્શનનું આયોજન કરવામાં આવ્યું હતું. મોટી સંખ્યામાં શ્રદ્ધાળુઓએ આ દર્શનનો લાભ લીધો હતો. આ ઉપરાંત, શ્રી બેડેશ્વર મહાદેવ મંદિરે પણ શ્રાવણ માસના ચોથા સોમવારે અમરનાથ સ્વરૂપના દિવ્ય દર્શન યોજાયા હતા. અહીં પણ ભક્તોએ શિવજીના આ અનોખા સ્વરૂપના દર્શન કરી ધન્યતા અનુભવી હતી.