જામનગરમાં ABVP દ્વારા તિરંગા યાત્રા યોજાઈ:110 મીટર ધ્વજ સાથે 200થી વધુ વિદ્યાર્થીઓ જોડાયા

જામનગરમાં અખિલ ભારતીય વિદ્યાર્થી પરિષદ (ABVP) દ્વારા 20 ઓગસ્ટ, 2026ના રોજ ભવ્ય તિરંગા યાત્રાનું આયોજન કરવામાં આવ્યું હતું. આ યાત્રા દેશભક્તિ અને રાષ્ટ્રભાવનાને ઉજાગર કરવાના હેતુથી યોજાઈ હતી.આ યાત્રામાં આશરે 110 મીટર લાંબા રાષ્ટ્રધ્વજ તિરંગા સાથે 200થી વધુ વિદ્યાર્થીઓ તેમજ ABVPના આગેવાનો અને કાર્યકર્તાઓ મોટી સંખ્યામાં જોડાયા હતા. સમગ્ર યાત્રા દરમિયાન વિદ્યાર્થીઓમાં દેશભક્તિનો ઉત્સાહ સ્પષ્ટપણે જોવા મળ્યો હતો. વિશાળ તિરંગા સાથે યોજાયેલી આ યાત્રા દ્વારા યુવાનોમાં રાષ્ટ્રીય એકતા, અખંડિતતા અને દેશ પ્રત્યેની જવાબદારીની ભાવનાને વધુ મજબૂત કરવાનો સંદેશ આપવામાં આવ્યો હતો.અખિલ ભારતીય વિદ્યાર્થી પરિષદ દ્વારા આયોજિત આ તિરંગા યાત્રા જામનગરમાં રાષ્ટ્રપ્રેમ અને યુવા શક્તિના સંગમનું પ્રતીક બની હતી.