રાહુલ ગાંધી પર FIR વિરુદ્ધ ગીર સોમનાથમાં કોંગ્રેસના ધરણા:નમસ્તે સર્કલ પર ચક્કાજામ બાદ 50 કોંગ્રેસી કાર્યકરો ડિટેઇન; ઉત્તરાખંડના ભાજપ કાર્યકરો સામે પણ કાર્યવાહીની માંગ

રાહુલ ગાંધી વિરુદ્ધ નોંધાયેલી એફઆઈઆરના વિરોધમાં ગીર સોમનાથ જિલ્લા કોંગ્રેસે આજે ઉગ્ર વિરોધ પ્રદર્શન કર્યું હતું. એનએસયુઆઈ પ્રદેશ પ્રમુખ નરેન્દ્ર સોલંકીની આગેવાની હેઠળ કાર્યકરોએ નમસ્તે સર્કલ ખાતે હાઇવે બ્લોક કરીને ચક્કાજામ કર્યો હતો. પોલીસે સ્થળ પર પહોંચી વિરોધ કરી રહેલા આશરે 50 કાર્યકરો અને આગેવાનોને ડિટેઇન કરીને વાહન વ્યવહાર પુનઃ શરૂ કરાવ્યો હતો. નમસ્તે સર્કલ ખાતે એકત્ર થઈ ભાજપ સામે સૂત્રોચ્ચાર એનએસયુઆઈ પ્રદેશ પ્રમુખ નરેન્દ્ર સોલંકીની આગેવાની હેઠળ કોંગ્રેસના નેતાઓ નમસ્તે સર્કલ ખાતે એકઠા થયા હતા. તેમણે ભાજપ અને સરકાર વિરુદ્ધ ભારે બેનરો સાથે સૂત્રોચ્ચાર કર્યા હતા. હાઇવે પર ચક્કાજામ થતાં વાહન વ્યવહાર ખોરવાયો વિરોધ પ્રદર્શન દરમિયાન કોંગ્રેસના કાર્યકરોએ નમસ્તે સર્કલ પર હાઇવે બ્લોક કરી દીધો હતો. આ ચક્કાજામના કારણે હાઇવે પર થોડા સમય માટે વાહન વ્યવહાર અટકી ગયો હતો. રાહુલ ગાંધી પરની FIR રદ કરવા માગણી કરાઈ કોંગ્રેસના કાર્યકરોએ રાહુલ ગાંધી વિરુદ્ધ નોંધાયેલી એફઆઈઆર તુરંત પાછી ખેંચવાની માંગ કરી હતી. આ ઉપરાંત ઉત્તરાખંડમાં દોષિત ભાજપના કાર્યકરો સામે પણ એફઆઈઆર નોંધવા રજૂઆત કરી હતી. પોલીસે ઉગ્ર પ્રદર્શન કરી રહેલા કાર્યકરોની અટકાયત કરી વિરોધ પ્રદર્શન ઉગ્ર બનતાં પોલીસે સ્થળ પરથી આશરે 50 જેટલા કોંગ્રેસના કાર્યકરોની અટકાયત કરી હતી. પોલીસની આ કાર્યવાહીને પગલે કાર્યકરોમાં ભારે આક્રોશ જોવા મળ્યો હતો. કોંગ્રેસના નેતાઓએ સરકાર અને પોલીસ પર નિશાન સાધ્યું વિરોધ દરમિયાન કાર્યકરોએ ભાજપ જ્યારે ડરે છે ત્યારે પોલીસને આગળ કરે છે તેવા નારા લગાવ્યા હતા. કોંગ્રેસ આગેવાનોએ પોલીસની આ કાર્યવાહી સામે ગંભીર આરોપો મૂક્યા હતા. પોલીસ બંદોબસ્ત ગોઠવી વાહન વ્યવહાર પૂર્વવત કરાયો પોલીસ કાફલાએ ત્વરિત કામગીરી કરીને હાઇવે પરથી ચક્કાજામ દૂર કરાવ્યો હતો. તંગ બનેલી પરિસ્થિતિ વચ્ચે કાયદો અને વ્યવસ્થા જાળવવા પોલીસનો ચુસ્ત બંદોબસ્ત ગોઠવી દેવાયો હતો.