‘એક રાખી દેશ કે જવાનો કે નામ’: ગુજરાતથી આંગણવાડી બહેનોએ વીર જવાનો માટે મોકલી 4.50 લાખ રાખડીઓ

રક્ષાબંધનનો પવિત્ર તહેવાર ભાઈ અને બહેન વચ્ચેના પ્રેમ, વિશ્વાસ અને રક્ષાના અતૂટ બંધનનું પ્રતીક છે. આ તહેવારે બહેનો પોતાના ભાઈના કાંડા પર રાખડી બાંધીને તેના લાંબા આયુષ્ય અને સુરક્ષા માટે પ્રાર્થના કરે છે. પરંતુ દેશની સરહદો પર રાત-દિવસ ખડેપગે ઊભા રહીને દેશની સુરક્ષા કરતા વીર જવાનો ઘણીવાર પોતાના પરિવારથી દૂર રહીને આ તહેવાર ઉજવે છે. [...]