દિલ્હી હોનારત બાદ અમદાવાદમાં એક જ દિવસમાં 55 પીજી-હોસ્ટેલની તપાસ કરાઈ, સબ સલામતનો દાવો

દિલ્હી દુર્ઘટના બાદ અમદાવાદ મ્યુનિસિપલ કોર્પોરેશન સતર્ક થયું છે. શહેરમાં વિદ્યાર્થીઓ-નોકરિયાતોની સુરક્ષા માટે PG, હોસ્ટેલ અને છાત્રાલયોની સ્ટ્રક્ચરલ સેફ્ટી ચકાસણી માટે ખાસ ડ્રાઈવ શરૂ કરાઈ છે. પ્રથમ દિવસે 5 ઝોનમાં 55 જેટલી ઈમારતોનું ચેકિંગ કરાયું, જે તમામ સલામત હોવાનું જણાયું. કોર્પોરેશને શહેરના તમામ PG અને હોસ્ટેલનું ચેકિંગ કરવાની જાહેરાત કરી છે.