ડબકા હાઈસ્કૂલમાં નવા વિદ્યાર્થીઓને નિઃશુલ્ક ગણવેશ અપાયા:પાદરાની ડબકા હાઈસ્કૂલમાં ગુલબ્રાન્ડસન કેમિકલના સહયોગથી કાર્યક્રમ યોજાયો

પાદરાના ડબકા ખાતે આવેલી ડબકા હાઈસ્કૂલમાં નવા પ્રવેશ મેળવનાર વિદ્યાર્થીઓ માટે નિઃશુલ્ક ગણવેશ વિતરણ કાર્યક્રમ યોજાયો હતો. આ કાર્યક્રમ ગુલબ્રાન્ડસન કેમિકલ પ્રાઇવેટ લિમિટેડના સહયોગથી થયો હતો. શાળામાં ધોરણ ૬ થી ૧૨ સુધીના વર્ગો ચાલે છે. ગુલબ્રાન્ડસન કેમિકલ પ્રાઇવેટ લિમિટેડ કંપનીએ શાળાના તમામ નવા વિદ્યાર્થીઓને ગણવેશ પૂરા પાડ્યા હતા. કંપનીએ શિક્ષણ ક્ષેત્રે પોતાની સામાજિક જવાબદારી (CSR)ના ભાગરૂપે આ પહેલ કરી હતી. કાર્યક્રમની શરૂઆત દીપ પ્રાગટ્ય અને પ્રાર્થનાથી થઈ હતી. આ પ્રસંગે ગુલબ્રાન્ડસન કેમિકલ પ્રાઇવેટ લિમિટેડના અધિકારીઓ, શાળાના ટ્રસ્ટી મંડળના સભ્યો, આચાર્ય અને શિક્ષકો હાજર રહ્યા હતા. તેમના હાથે નવા પ્રવેશ મેળવનાર વિદ્યાર્થીઓને ગણવેશનું વિતરણ કરાયું હતું. શાળા સંચાલક મંડળ અને આચાર્યએ ગુલબ્રાન્ડસન કેમિકલ પ્રાઇવેટ લિમિટેડ કંપનીના આ કાર્યની પ્રશંસા કરી અને તેમનો આભાર માન્યો. નવા ગણવેશ મળતા વિદ્યાર્થીઓ અને તેમના વાલીઓના ચહેરા પર ખુશી જોવા મળી હતી.