બોટાદ શહેર કોંગ્રેસમાં રાજકીય હડકંપ:ચાર સક્રિય અગ્રણી હોદ્દેદારોએ આપ્યા રાજીનામા

બોટાદ શહેર કોંગ્રેસમાં રાજકીય હડકંપ: ચાર સક્રિય અગ્રણી હોદ્દેદારોએ આપ્યા રાજીનામા બોટાદ શહેર કોંગ્રેસ સંગઠનમાં એકાએક રાજકીય ગરમાવો આવી ગયો છે. શહેર કોંગ્રેસના ચાર અગ્રણી અને સક્રિય હોદ્દેદારોએ એકસાથે પોતાના હોદ્દાઓ અને જવાબદારીઓમાંથી રાજીનામા આપી દેતાં પક્ષના આંતરિક રાજકારણમાં મોટો ઉકાળટ અને હડકંપ જોવા મળી રહ્યો છે. યુવા પ્રમુખ, સેવા દળ અને સોશિયલ મીડિયાના પ્રમુખ સહિત ચાર આગેવાનોએ છોડ્યા હોદ્દા મળતી માહિતી અનુસાર, એકસાથે રાજીનામું આપનારા નેતાઓમાં બોટાદ શહેર કોંગ્રેસ યુવા પ્રમુખ જયદીપભાઈ પ્રજાપતિ, રાષ્ટ્રીય સેવા દળ બોટાદ શહેર પ્રમુખ ફેજલભાઈ ખલ્યાણી, સોશિયલ મીડિયા બોટાદ શહેર પ્રમુખ રાજુભાઈ રાઠોડ તેમજ ધનજીભાઈ રબારીનો સમાવેશ થાય છે. આ તમામ નેતાઓએ પોતાના પદ પરથી રાજીનામા સુપ્રત કરી દીધા છે. પક્ષના સામાન્ય કાર્યકર્તા તરીકે નિષ્ઠાપૂર્વક કામગીરી ચાલુ રાખવાની કરી સ્પષ્ટતા હોદ્દા પરથી રાજીનામું આપ્યા બાદ ચારેય નેતાઓએ સ્પષ્ટતા કરતા જણાવ્યું હતું કે તેઓ માત્ર પોતાના સંગઠનાત્મક હોદ્દાઓ અને જવાબદારીઓમાંથી મુક્ત થયા છે. તેઓ કોંગ્રેસ પક્ષ સાથે જોડાયેલા રહેશે અને એક સામાન્ય સક્રિય કાર્યકર્તા તરીકે પોતાની સેવાઓ નિષ્ઠાપૂર્વક ચાલુ રાખશે. પક્ષને મજબૂત કરવા અને જનસમાજની સમસ્યાઓમાં સહયોગ આપવાની દર્શાવી કટિબદ્ધતા આ નેતાઓએ વધુમાં ઉમેર્યું હતું કે તેઓ પક્ષને મજબૂત કરવા અને આગળ લઈ જવા માટે સખત મહેનત ચાલુ રાખશે. આ ઉપરાંત સ્થાનિક લોકોની જે પણ સમસ્યાઓ હશે તેમાં મદદ કરવા માટે તેઓ હંમેશાં સહયોગ આપશે. જોકે, એકસાથે પડેલા આ રાજીનામાના કારણે સ્થાનિક સ્તરે ચર્ચાઓ જોર પકડ્યું છે.