બીજના પાવન અવસરે રામદેવપીરના દર્શન માટે ઉમટ્યા શ્રદ્ધાળુઓ:લાલપુરના સણોસરી શ્રી નકલંક ધામે વહેલી સવારથી ભક્તિમય માહોલ છવાયો

લાલપુર તાલુકાના સણોસરી ગામે આવેલા પવિત્ર શ્રી નકલંક ધામ ખાતે આજે બીજના શુભ અવસરે ભક્તિ અને શ્રદ્ધાનો માહોલ જોવા મળ્યો હતો. રામદેવપીરના દર્શન કરવા અને આશીર્વાદ મેળવવા માટે વહેલી સવારથી જ મોટી સંખ્યામાં ભક્તો ધામ ખાતે પહોંચ્યા હતા. બીજના પાવન દિવસે ભક્તોએ રામદેવપીરના દર્શન કર્યા અને પૂજા-અર્ચના કરી. મંદિર પરિસરમાં ભક્તોની ભારે અવરજવર રહી હતી, જેના કારણે સમગ્ર વાતાવરણ ભક્તિમય બન્યું હતું. દૂર-દૂરથી આવેલા શ્રદ્ધાળુઓએ પોતાના પરિવાર સાથે દર્શન કર્યા. તેમણે સુખ-શાંતિ અને સમૃદ્ધિ માટે પ્રાર્થના કરી હતી. દિવસ દરમિયાન શ્રી નકલંક ધામ ખાતે ભક્તોની સતત અવરજવર ચાલુ રહી હતી. રામદેવપીર પ્રત્યેની ઊંડી આસ્થા સાથે ભક્તોએ દર્શન કરીને ધન્યતા અનુભવી.