Bhavnagarના ઉખરલા હત્યાકેસમાં વરતેજ પોલીસની કાર્યવાહી: રૂપિયાની લેતીદેતી મામલે બે શખ્સોની ધરપકડ

ભાવનગર જિલ્લાના વરતેજ પોલીસ સ્ટેશન હદ વિસ્તારમાં આવેલા ઉખરલા ગામ પાસે ગત ૨૫ ઓક્ટોબરના રોજ એક યુવકની હત્યા કરાયેલી હાલતમાં લાશ મળી આવવાથી સમગ્ર પંથકમાં ચકચાર મચી ગઈ હતી. મૃતક યુવકની ઓળખ મુન્નાભાઈ ડાભી (ઉ.વ. 29) તરીકે થઈ હતી. પોલીસ તપાસમાં બહાર આવ્યું છે કે રૂપિયાની લેતીદેતીના મનદુઃખ અને માથાકૂટને કારણે આરોપીઓએ ઉશ્કેરાઈને મુન્નાભાઈના માથામાં લાકડાના ઘા ઝીંકીને નિર્દયતાપૂર્વક હત્યા કરી નાખી હતી અને લાશને ફેંકી દીધી હતી. મોટા ખોખરાના બે શખ્સોની ધરપકડ અને કોર્ટ દ્વારા રિમાન્ડ મંજૂર આ ગંભીર ગુનાને અંજામ આપીને નાસી છૂટેલા આરોપીઓને ઝડપી પાડવા માટે વરતેજ પોલીસ દ્વારા સઘન તપાસના ચક્રો ગતિમાન કરવામાં આવ્યા હતા. ટેક્નિકલ સર્વેલન્સ અને બાતમીના આધારે વરતેજ પોલીસે મોટા ખોખરા ગામના બે શખ્સોની સંડોવણી પકડી પાડીને તેમની ધરપકડ કરી લીધી છે. પકડાયેલા બંને આરોપીઓને પોલીસ દ્વારા સઘન પૂછપરછ માટે કોર્ટમાં રજૂ કરવામાં આવ્યા હતા, જ્યાં અદાલતે બંને આરોપીઓના 3 દિવસના પોલીસ રિમાન્ડ મંજૂર કર્યા છે. પોલીસની સરાહનીય કામગીરી અને આગળની તપાસ ઘટનાની ગંભીરતાને ધ્યાનમાં રાખીને વરતેજ પોલીસ સ્ટેશનની ટીમ દ્વારા આ હત્યા પાછળ અન્ય કોઈ શખ્સો સંડોવાયેલા છે કે કેમ અને હત્યામાં વપરાયેલું હથિયાર કબ્જે કરવા સહિતની દિશામાં ઊંડાણપૂર્વક તપાસ હાથ ધરવામાં આવી છે. ટૂંકા સમયમાં જ ભેદ ઉકેલીને આરોપીઓને જેલના સળીયા પાછળ ધકેલવાની આ કાર્યવાહીથી પોલીસની સક્રિયતા પ્રશંસનીય બની છે. ગુજરાતના વધુ સમાચાર વાંચવા માટે ક્લિક કરો