અમદાવાદના રખિયાલમાં બ્રાન્ડેડ કંપનીના બનાવટી ખાદ્ય તેલનો જથ્થો ઝડપાયો: ભંગારના ડબ્બામાં સસ્તું તેલ ભરી વેચતો વેપારી

અમદાવાદના રખિયાલ વિસ્તારમાં આવેલી ઘણીવાળા ટ્રેડર્સ નામની દુકાનમાંથી બ્રાન્ડેડ કંપનીના બનાવટી ખાદ્ય તેલના 44 ડબ્બા મળી આવ્યા. રખિયાલ પોલીસે વેપારી અમિત કુશવાહ સામે કોપીરાઇટ એક્ટ હેઠળ ફરિયાદ નોંધી વધુ તપાસ હાથ ધરી છે. આરોપી ભંગારના ખાલી ડબ્બામાં અન્ય કંપનીનું તેલ ભરી, બોગસ સીલ લગાવી બ્રાન્ડેડ ભાવે વેચતો હતો. પોલીસે 1,25,400 રૂપિયાનો મુદ્દામાલ જપ્ત કર્યો.