અમદાવાદમાં ઓક્સિજન પાર્ક કે અસામાજિક તત્ત્વોનો અડ્ડો? દારૂની બોટલો મળી આવતા સુરક્ષા સામે ગંભીર સવાલો

અમદાવાદના નિકોલ વોર્ડમાં ઓક્સિજન પાર્ક અસામાજિક તત્વોનો અડ્ડો બન્યો છે. પાર્કમાંથી દારૂની બોટલો મળી આવતા નશાખોરીની મહેફિલ જામતી હોવાની આશંકા સેવાઈ રહી છે. સિક્યુરિટી ગાર્ડ હોવા છતાં સુરક્ષા વ્યવસ્થા રામભરોસે હોવાથી સ્થાનિકોમાં રોષ છે. કોર્પોરેશને કમ્પાઉન્ડ વોલ બનાવવાની અને બેદરકારી બદલ કાર્યવાહી કરવાની ખાતરી આપી છે. ગાર્ડન વિભાગની કામગીરી સામે પણ સવાલો ઉભા થયા છે.