Ahmedabad Police : દુષ્કર્મનો આરોપી ભાગવા જતા પોલીસે પગમાં મારી દીધી ગોળી

Ahmedabad Police : દુષ્કર્મનો આરોપી ભાગવા જતા પોલીસે પગમાં મારી દીધી ગોળી

અમદાવાદના જોધપુરમાં યુવતી સાથે દુષ્કર્મ આચરનારા વધુ એક હેવાનનો પોલીસે બરાબરનો હિસાબ કર્યો છે. ચર્ચિત જોધપુર દુષ્કર્મ કેસમાં આરોપી ધર્મસિંહની ધરપકડ બાદ મોડી રાતે પંચનામાની કાર્યવાહી માટે આરોપીને હેબતપુર લઈ જવાયો હતો. ત્યારે જ આરોપીએ પોલીસ કાફલા પર ઓચિંતા હુમલો કરી ભાગવાનો પ્રયાસ કર્યો હતો. આ ઘટનાને પગલે પોલીસે સ્વબચાવમાં ચલાવેલી ગોળી આરોપીના પગમાં વાગતા જ તે જમીન પર ઢળી પડ્યો હતો. પોલીસ અને આરોપી વચ્ચે થયેલી ઝપાઝપીમાં એક પોલીસ કર્મચારી પણ ઈજાગ્રસ્ત થતા બંનેને સોલા સિવિલ સારવારમાં ખસેડાયા હતાં. હોસ્પિટલ પહોંચેલા આરોપીએ પહેલા લંગડાતા અને સ્ટ્રેચર પરથી બે હાથ જોડી સતત પોલીસ સમક્ષ માફીની ભીખ માંગતા એક જ વાતનું રટણ કરતા એક જ રટણ કરતો હતો કે સાહેબ હવે પછી આવું નહીં થાય, એકવાર માફ કરી દો. ફાયરિંગની ગંભીર ઘટનાને પગલે મોડીરાત્રે ડીસીપી, જેસીપી સહિતના ઉચ્ચ અધિકારીનો કાફલો હોસ્પિટલ ખાતે દોડી ગયો હતો. ડીસીપી ઝોન-7 શિવમ વર્માએ કહ્યું કે પોલીસ કર્મચારી અને આરોપી ધર્મસિંહ બંને ઈજાગ્રસ્ત છે. બંનેને સારવાર માટે હોસ્પિટલ ખસેડાયા છે અને આરોપીએ પોલીસ પર હુમલો કરી ભાગવાનો પ્રયાસ કર્યો છે તે અંગે આરોપી વિરૂદ્ધ બોડકદેવ પોલીસમાં વધુ એક ગુનો નોંધવામાં આવશે.