સરકારી નોકરીની લાલચ 88 લાખમાં પડી!

સરકારી નોકરીના નામે 88 લાખ રૂપિયાની છેતરપિંડીનો મુદ્દો સામે આવતા ચકચાર મચી છે. બનાવ અંગેની મળતી વિગત પ્રમાણે, આરોપી પતિ-પત્નીએ સરકારી નોકરી અપાવવા માટે એક વ્યક્તિ દીઠ રૂ.25 લાખની માગણી કરીને ત્રણ લોકો માટે કુલ રૂ.75 લાખની રકમની માંગણી કરેલ. શરૂઆતમાં એડવાન્સ પેટે રકમ આપ્યા બાદ આરોપીઓ દ્વારા સમયાંતરે વધુ રકમની માંગણી કરાઈ હતી. જોકે, લાંબો સમય વિત્યા બાદ પણ ફરિયાદીને નોકરી નહીં મળતા પરિવારે પૈસાની માગણી કરેલ. જોકે, આરોપીએ પૈસા ન હોવાનું રટણ કરતા આખરે ભોગ બનનારે પોલીસની મદદ માગી છે. પોલીસે સમગ્ર મામલે છેતરપિંડી આચરાયાનો ગુનો નોંધીને કાયદેસરની કાર્યવાહી કરી છે.