અમરેલીના મોટા દેવળિયા ચેકડેમમાં 4 યુવકો ડૂબ્યા:નાહવા ગયા હતા, ગણેશ વિસર્જનના લોકોએ કપડાં જોઈ પોલીસને જાણ કરી.

અમરેલીના બાબરા તાલુકાના મોટા દેવળિયા ગામે આવેલા ચેકડેમમાં નાહવા ગયેલા ચાર યુવકો પાણીમાં ડૂબી જતાં કમકમાટીભર્યા મોત નીપજ્યા છે. આ એકસાથે ચાર યુવકોના મૃત્યુથી મોટા દેવળિયા સહિત સમગ્ર પંથકમાં શોકનું મોજુ ફરી વળ્યું છે. સ્થાનિક તરવૈયાઓ અને બાબરા પોલીસની સંયુક્ત જહેમતથી ચારેય મૃતદેહ બહાર કઢાયા. કેવી રીતે સામે આવી ઘટના? ગામના ચેકડેમ ખાતે ચાર યુવકો નાહવા માટે ઉતર્યા હતા, જ્યાં ઊંડા પાણીમાં ડૂબી જવાથી તેમનું મોત થયું હતું. આ દરમિયાન ગણેશ વિસર્જન માટે ચેકડેમ પાસેથી પસાર થઈ રહેલા કેટલાક લોકોને કાંઠા પર યુવકોના કપડાં અવાવરૂ હાલતમાં પડેલા જોયા હતા. શંકા જતા તેમણે તાત્કાલિક બાબરા પોલીસને જાણ કરી હતી. માહિતી મળતાની સાથે જ પોલીસ કાફલો અને સ્થાનિક તરવૈયાઓ ઘટનાસ્થળે દોડી આવ્યા હતા. ભારે જહેમત બાદ ચેકડેમમાંથી ચારેય યુવકોના શબ બહાર કાઢવામાં આવ્યા હતા. મૃતકોના નામ પોસ્ટમોર્ટમ માટે લાશો ખસેડાઈ લાઠી ડીવાયએસપી વિસ્મય માનસેતાએ કહ્યું, નાહવા પડવાથી ચારેય લોકોના ડૂબી જવાથી મોત થયા છે. મૃતકોના શબને પોસ્ટમોર્ટમ (PM) માટે ખસેડવાની કાર્યવાહી હાથ ધરવામાં આવી છે. પ્રાથમિક તપાસમાં ગણેશ વિસર્જન દરમિયાન આ દુર્ઘટના નથી બની, પરંતુ તેઓ માત્ર નાહવા ગયા હોવાથી ડૂબી ગયા હતા. હાલ બાબરા પોલીસ દ્વારા આ માલે વધુ તપાસ ચલાવવામાં આવી રહી છે.