VIDEO| છોટા ઉદેપુર: શાળામાં કેમેરા પર બેન, પણ સરકારી કાર્યક્રમમાં વિદ્યાર્થીઓની વીડિયોગ્રાફી? ખુરશીઓ ભરવા બાળકોનો ઉપયોગ!

છોટા ઉદેપુરના પાવીજેતપુરમાં 7 કરોડના ST ડેપોના ખાતમુહૂર્ત કાર્યક્રમમાં ખુરશીઓ ખાલી રહેતા અધિકારીઓના જીવ તાળવે ચોંટી ગયા હતા. સ્થાનિકો અને કાર્યકરોની પાંખી હાજરીને કારણે સરકારી કાર્યક્રમ ફ્લોપ થવાના આરે હતો. પરિણામે, ભીડ બતાવવા નજીકની પ્રાથમિક શાળાના માસૂમ બાળકોને અભ્યાસ છોડાવીને કાર્યક્રમમાં બેસાડી દેવાયા હતા. શિક્ષણ વિભાગના પરિપત્રનો ભંગ થતાં વાલીઓમાં રોષ ફેલાયો છે.