Rajkot News : પારેવડી ચોકમાં ડીજે ભરેલી આઈશરે મચાવ્યો હાહાકાર, 2 રીક્ષા અને 3 બાઈકને અડફેટે લેતાં દર્દનાક દુર્ઘટના

રાજકોટ શહેરના અત્યંત ધમધમતા ગણાતા પારેવડી ચોક ખાતે એક હૃદયદ્રાવક અને ગમખ્વાર અકસ્માત સર્જાયો છે. ડીજે સાઉન્ડ સિસ્ટમ ભરીને આવતા એક આઈશર ટેમ્પોના ચાલકે પૂરપાટ અને બેફામ ઝડપે વાહન હંકારીને માર્ગ પરથી પસાર થઈ રહેલા અનેક વાહનોને કચડી નાખ્યા હતા. આ ટેમ્પોએ બે ઓટોરીક્ષા તેમજ બે થી ત્રણ મોટરસાઈકલ ચાલકોને જોરદાર અડફેટે લેતાં સ્થળ પર ભારે અફરાતફરી અને ચીસિયારીઓ મચી ગઈ હતી. 1 નું સ્થળ પર જ નીપજ્યું મોત, 3 થી વધુ લોકો ગંભીર રીતે ઈજાગ્રસ્ત આ દર્દનાક દુર્ઘટનામાં એક પુરુષ વાહનચાલકનું ઘટનાસ્થળે જ કરુણ મોત નીપજ્યું હતું, જ્યારે 3 થી વધુ લોકો ગંભીર રીતે ઈજાગ્રસ્ત થયા હતા. અકસ્માત સર્જાતાં જ આસપાસના વેપારીઓ અને સ્થાનિક લોકો મદદ અર્થે દોડી આવ્યા હતા. ઈજાગ્રસ્ત થયેલા તમામ લોકોને તાત્કાલિક 108 એમ્બ્યુલન્સ મારફતે સારવાર અર્થે નજીકની હોસ્પિટલમાં ખસેડવામાં આવ્યા છે. અકસ્માતના ધ્રુજાવી દેતા CCTV આવ્યા સામે, પોલીસ તપાસ શરૂ આ અકસ્માતના CCTV ફૂટેજ પણ સામે આવ્યા છે, જેમાં સ્પષ્ટ જોઈ શકાય છે કે આઈશર ટેમ્પો બ્રિજ પરથી અત્યંત પૂરપાટ ઝડપે નીચે ઉતરી રહ્યો હતો અને અચાનક જ કાબૂ ગુમાવીને એક પછી એક વાહનોને ધડાકાભેર ઉડાડતો આગળ વધ્યો હતો. બનાવ અંગે જાણ થતાં જ પોલીસ કાફલો ઘટનાસ્થળે પહોંચ્યો હતો અને CCTVના આધારે આગળની કાયદેસરની કાર્યવાહી હાથ ધરી છે. આ પણ વાંચો : Narmada News : ડેડીયાપાડાના કુનબાર ઈકો ટુરિઝમ નજીક કૂવામાં ખાબક્યો દીપડો, વનવિભાગનું સફળ રેસ્ક્યુ