Rajkot: યોગીનગરમાંથી રૂ. 23.80 લાખનો હાઈબ્રિડ ગાંજો ઝડપાયો, પૂજા ભટ્ટની ધરપકડ

રાજકોટ શહેરમાં નશાના સોદાગરો વિરુદ્ધ સ્પેશિયલ ઓપરેશન ગ્રુપ દ્વારા હાથ ધરવામાં આવેલી કડક કાર્યવાહીમાં મોટી સફળતા મળી છે. પોલીસ ટીમે યુનિવર્સિટી પોલીસ સ્ટેશન વિસ્તાર હેઠળ આવતા યોગીનગરમાં બાતમીના આધારે દરોડો પાડીને રૂ. 23.80 લાખની અંદાજિત કિંમતનો હાઈબ્રિડ ગાંજો ઝડપી પાડ્યો છે. આ નશાના ગેરકાયદે વેપારમાં સંડોવાયેલી પૂજા ભટ્ટ નામની મહિલાની ધરપકડ કરવામાં આવી છે. 23.80 લાખની કિંમતનો હાઈબ્રિડ ગાંજો મળી આવ્યો રાજકોટ એસઓજીની ટીમને ચોક્કસ બાતમી મળી હતી કે યુનિવર્સિટી પોલીસ મથકની હદમાં આવેલા યોગીનગર વિસ્તારમાં નશીલા પદાર્થોનો ગેરકાયદે વેપાર ચાલી રહ્યો છે. આ માહિતીના આધારે ટીમે તાત્કાલિક દરોડો પાડીને તપાસ હાથ ધરી હતી. આ દરોડા દરમિયાન સ્થળ પરથી રૂ. 23.80 લાખની કિંમતનો હાઈબ્રિડ ગાંજો મળી આવ્યો હતો. પોલીસે ઘટનાસ્થળેથી અંદાજિત 24 લાખ રૂપિયાનો મુદ્દામાલ કબજે કર્યો છે. કાર્યવાહી દરમિયાન પૂજા ભટ્ટ નામની મહિલાની ધરપકડ કરવામાં આવી છે. પૂજા ભટ્ટ બહારથી ગાંજો મંગાવતી પોલીસ દ્વારા હાથ ધરવામાં આવેલી પ્રાથમિક પૂછપરછમાં એવો ખુલાસો થયો છે કે ઝડપાયેલી પૂજા ભટ્ટ બહારથી ગાંજો મંગાવતી હતી. આ સમગ્ર નેટવર્કમાં મુખ્ય સપ્લાયર તરીકે ગૌતમ દવે નામના શખ્સની ભૂમિકા સામે આવી છે. ગૌતમ અને પૂજા બંને વચ્ચે માસી અને ભાણેજનો સંબંધ પોલીસ માહિતી મુજબ ગૌતમ દવે બહારના રાજ્યમાંથી ગાંજો લઈને આવતો હતો. સૌથી ચોંકાવનારી બાબત એ છે કે ગૌતમ અને પૂજા બંને વચ્ચે માસી અને ભાણેજનો સંબંધ હોવાનું જાણવા મળ્યું છે. આ બંને માસી-ભાણેજ વચ્ચે નશાના વેપારનું કનેક્શન હોવાની આશંકા વ્યક્ત કરવામાં આવી રહી છે. નેટવર્કની ઊંડાણપૂર્વક તપાસ રાજકોટ સ્પેશિયલ ઓપરેશન ગ્રુપ દ્વારા નશાના સોદાગરો વિરુદ્ધ ચલાવવામાં આવી રહેલી આ ઝુંબેશમાં સપ્લાયર ગૌતમ દવેની સઘન શોધખોળ શરૂ કરવામાં આવી છે. પોલીસની અલગ અલગ ટીમો અન્ય રાજ્યમાંથી નશીલા પદાર્થો ઘુસાડતા આ નેટવર્કની ઊંડાણપૂર્વક તપાસ કરી રહી છે. યોગીનગર વિસ્તારમાંથી પકડાયેલા આ જથ્થા બાદ પોલીસ હવે ફરાર આરોપીને પકડવા માટે કાર્યવાહી કરી રહી છે. નશાના આ ગેરકાયદે વેપારમાં અન્ય કોઈ વ્યક્તિ સંડોવાયેલી છે કે કેમ તેની પણ તપાસ થઈ રહી છે.