પોલીસવડા પ્રશાંત સુંબેએ દાંતાથી અંબાજી પદયાત્રા શરૂ કરી:ભાદરવી પૂનમ મેળામાં જિલ્લા પોલીસ પરિવાર અને સ્ટાફ પણ જોડાયો, પદયાત્રીઓનો અવિરત પ્રવાહ

ભાદરવી પૂનમ મહામેળાના બીજા દિવસે અંબાજી તરફ પદયાત્રીઓનો સતત પ્રવાહ જોવા મળી રહ્યો છે. આ દરમિયાન બનાસકાંઠા જિલ્લા પોલીસ વડા પ્રશાંત સુંબેએ તેમના જિલ્લા પોલીસ પરિવાર સાથે દાંતાથી અંબાજી તરફ પદયાત્રા શરૂ કરી. પોલીસ વડા સાથે એસઓજી અને એલસીબી સહિતનો પોલીસ સ્ટાફ પણ આ પદયાત્રામાં જોડાયો હતો. ભાદરવી પૂનમ મહામેળાને ધ્યાનમાં રાખીને બનાસકાંઠા પોલીસે પદયાત્રીઓની સુરક્ષા અને વ્યવસ્થા જાળવવા માટે જુદા જુદા સ્થળોએ પોલીસ બંદોબસ્ત ગોઠવ્યો છે. પદયાત્રીઓની સતત અવરજવર વચ્ચે પોલીસ કર્મચારીઓ રસ્તા પર જરૂરી તપાસ અને દેખરેખ રાખી રહ્યા છે. પોલીસ વડા પ્રશાંત સુંબેએ જણાવ્યું કે, ભાદરવી પૂનમ મહામેળા દરમિયાન અંબાજી તરફ જતા ભક્તોની સુરક્ષાને પ્રાથમિકતા આપવામાં આવી રહી છે. પદયાત્રા દરમિયાન પણ પોલીસ દ્વારા પદયાત્રીઓની જરૂરી તપાસ કરવામાં આવશે. કોઈ અનિચ્છનીય ઘટના ન બને તે માટે સતત પેટ્રોલિંગ અને તકેદારી રાખવામાં આવશે.