ખાનગી યુનિવર્સિટીઓ સામે સુપ્રીમ કોર્ટની લાલ આંખ, નાણાકીય વ્યવહારોનો સંપૂર્ણ હિસાબ જાહેર કરવા નિર્દેશ

સુપ્રીમ કોર્ટે દેશભરની ખાનગી યુનિવર્સિટીઓને નફાખોરી સામે કડક નિર્દેશ આપ્યા છે. જસ્ટિસ અહસાનુદ્દીન અમાનુલ્લાહ અને જસ્ટિસ એન.વી. અંજારિયાની ખંડપીઠે યુનિવર્સિટીઓને છેલ્લા 5 વર્ષના ઓડિટેડ નાણાકીય રેકોર્ડ્સ, ફીનું માળખું અને ભંડોળના ઉપયોગ સહિતની તમામ વિગતો સાર્વજનિક કરવા આદેશ કર્યો છે. આ મામલો નોઈડાની એમિટી યુનિવર્સિટીના એક વિદ્યાર્થીની ફરિયાદથી શરૂ થયો હતો. આગામી સુનાવણી 19 નવેમ્બર 2026ના રોજ થશે.