ભંડારિયામાં બહુચરાજી મંદિરે નવરાત્રી ઉત્સવની તૈયારીના શ્રી ગણેશ:ગરબા-સ્તૃતિ અને વાજતે-ગાજતે માણેકચોકમાં ધ્વજારોહણ, મોટી સંખ્યામાં માઈ ભક્તો ઉમટ્યાં

ગોહિલવાડના પ્રસિદ્ધ શક્તિધામ ભંડારિયા ગામે આવેલા બહુચરાજી મંદિરે નવરાત્રિ મહોત્સવની પરંપરાગત ઉજવણી થશે. જેના ભાગરૂપે આજરોજ ભાદરવા સુદ અગિયારસે મોટી સંખ્યામ માઈ ભક્તો તેમજ સ્વયંસેવકો દ્વારા શાસ્ત્રોક્ત વિધિથી મંડપ રોપણ કરી ધ્વજારોહણ કરવામાં આવ્યું હતું. શાસ્ત્રોક્ત વિધિથી મંડપ રોપણ કરી ધ્વજારોહણ કરાયું ભાવનગરના ભંડારિયા ગામે આવેલા પ્રસિદ્ધ શક્તિધામ શ્રી બહુચરાજી મંદિર ખાતે આગામી આસો સુદ નવરાત્રિ મહોત્સવની પરંપરાગત ઉજવણી થશે. જેના ભાગરૂપે આજે માણેકચોકમાં શાસ્ત્રોક્ત વિધિથી મંડપ રોપણ કરી ધ્વજારોહણ કરવામાં આવ્યું હતું. આ પ્રસંગે મોટી સંખ્યામાં માઈ ભક્તો અને સ્વયંસેવકો ઉપસ્થિત રહ્યા હતા. ગરબા, સ્તુતિગાન અને ભૂંગળના સુમધુર સુર સાથે વાજતે-ગાજતે ધ્વજા સ્તંભ સાથે માણેકચોક પહોંચી મંડપ રોપણ કરાતા સમગ્ર વાતાવરણ ભક્તિમય બની ગયું હતું. નવરાત્રિ ઉત્સવની તૈયારીઓના શ્રી ગણેશ ભંડારિયા સ્થિત અન્ય દેવી સ્થાનકો જેવા કે શ્રી પ્રગટનાથ બહુચરાજી મંદિર, શ્રી મેલડી માતાજી મંદિર અને શ્રી સોંડાઈ માતાજીના મંદિરે પણ વૈદિક વિધિવિધાન સાથે મંડપ રોપણ અને ધ્વજારોહણ કરીને નવરાત્રિ ઉત્સવની તૈયારીઓના શ્રી ગણેશ કરવામાં આવ્યા છે.