રાજ્ય સરકારના 'મફત પાઠ્યપુસ્તકો' ઓનલાઈન વેચાતા હોવાનો કોંગ્રેસનો દાવો, પાઠ્યપુસ્તક મંડળ સવાલોના ઘેરામાં!

ગુજરાત સરકારની વિનામૂલ્યે પાઠ્યપુસ્તક યોજનાના પુસ્તકો ઓનલાઈન 160થી 250 રૂપિયામાં વેચાતા હોવાનો કોંગ્રેસે દાવો કર્યો છે. ધોરણ 9થી 12ના પુસ્તકોના મુખપૃષ્ઠ પર "રાજ્ય સરકારની વિનામૂલ્યે યોજના હેઠળનું પુસ્તક" લખેલું હોવા છતાં, તે વેચાઈ રહ્યા છે. કોંગ્રેસે પાઠ્યપુસ્તક મંડળ અને સરકાર પાસે આ પુસ્તકો ઓનલાઈન કેવી રીતે પહોંચ્યા, સપ્લાયર કોણ છે અને વેચાણમાંથી મળતી રકમ કોના ખાતામાં જાય છે તેની તપાસની માંગ કરી છે.