નર્મદા ભાજપ પ્રમુખ તરીકે શબ્દશરણ તડવીની નિમણૂક:સિનિયરોના અસંતોષ બાદ નીલ રાવનું રાજીનામું લેવાયું; સ્થાનિક વિરોધ અને મતભેદો વચ્ચે સંગઠનાત્મક ફેરફાર

નર્મદા જિલ્લા ભાજપના નવા પ્રમુખ તરીકે પૂર્વ મંત્રી અને પૂર્વ ધારાસભ્ય શબ્દશરણ તડવીની નિમણૂક કરવામાં આવી છે. પૂર્વ જિલ્લા પ્રમુખ નીલ રાવ સામે સ્થાનિક નેતાઓ અને ધારાસભ્યના ભારે અસંતોષ બાદ રાજીનામું લેવામાં આવતા સંગઠનમાં મોટો ફેરફાર સર્જાયો છે. 2027ની વિધાનસભા ચૂંટણીને ધ્યાનમાં રાખીને સંગઠનને મજબૂત બનાવવા માટે અનુભવી નેતા શબ્દશરણ તડવીને આ મહત્વની જવાબદારી સોંપવામાં આવી છે. નિમણૂક બાદ સાંસદ મનસુખ વસાવા સહિતના અગ્રણીઓએ નવા પ્રમુખને અભિનંદન પાઠવ્યા છે. જિલ્લા ભાજપ પ્રમુખ નીલ રાવનું રાજીનામું લેવાયું માર્ચ 2025માં નિમાયેલા નીલ રાવ સામે સ્થાનિક સંગઠનમાં નારાજગીનો સૂર ઉઠ્યો હતો. ધારાસભ્ય ડો. દર્શનાબેન દેશમુખ અને સાંસદ મનસુખ વસાવા સાથેના મતભેદો પ્રદેશ કક્ષા સુધી પહોંચ્યા હતા. સ્થાનિક ચૂંટણી પરિણામો અને આંતરિક જૂથબંધી જવાબદાર યુવાનોને મહત્વ આપવાના મુદ્દે સિનિયર નેતાઓ અસંતુષ્ટ હતા. ઉપરાંત સ્થાનિક સ્વરાજ્યની ચૂંટણીઓના પરિણામો અને ટિકિટ ફાળવણીમાં સર્જાયેલા વિવાદોના કારણે સંગઠન સ્તરે ફેરફાર કરવાનો નિર્ણય લેવાયો હતો. અનુભવી નેતા શબ્દશરણ તડવીનો રાજકીય ટ્રેક રેકોર્ડ શબ્દશરણ તડવી 2012માં નાંદોદથી પ્રથમવાર ધારાસભ્ય ચૂંટાયા હતા. 2016માં તેઓ વન અને આદિજાતિ કલ્યાણ મંત્રી રહી ચૂક્યા છે અને બાદમાં પ્રદેશ આદિજાતિ મોરચાની જવાબદારી પણ સંભાળી છે. 2027ની વિધાનસભા ચૂંટણી લક્ષી સંગઠનાત્મક વ્યવસ્થા નીલ રાવનો કાર્યકાળ 2027 સુધીનો હતો, પરંતુ પક્ષે ચૂંટણી પહેલાં જ કમાન બદલી છે. નર્મદા અને ભરૂચ બંને જિલ્લાઓમાં પ્રમુખો બદલાતાં દક્ષિણ ગુજરાતના રાજકારણમાં ગરમાવો આવ્યો છે. સાંસદ મનસુખ વસાવાએ નિર્ણયોને આવકાર્યો સાંસદ મનસુખ વસાવાએ નવા અને જૂના પ્રમુખોને શુભેચ્છાઓ પાઠવતા જણાવ્યું કે આગામી સમયમાં ભાજપ એક થઈને ચૂંટણી લડશે. તેમણે પૂર્વ પ્રમુખોને પ્રદેશ કક્ષાએ નવી જવાબદારી મળવા બદલ આભાર વ્યક્ત કર્યો હતો.