દમણમાં રિક્ષાચાલકને માર મારી ધમકાવી રૂ.2000 પડાવતા 2 પોલીસ કોન્સ્ટેબલ સસ્પેન્ડ

દમણના ભેંસલોર ખાતે 2 પોલીસ કોન્સ્ટેબલ સહિત 3 શખસોએ રિક્ષાચાલકને માર મારી, ખોટા કેસમાં ફસાવવાની ધમકી આપી 2000 રૂપિયા પડાવ્યા હતા. આ ઘટનાનો વીડિયો વાયરલ થતાં દમણ પોલીસે તાત્કાલિક કાર્યવાહી કરી. બંને પોલીસ કોન્સ્ટેબલ દીપક થોરાત અને હિતેશ પારડીને સસ્પેન્ડ કરાયા છે. જ્યારે કરણ ભરવાડ સહિત ત્રણેય સામે ગુનો દાખલ કરાયો છે.