અમદાવાદ: ચાંદલોડિયામાં AMCએ ફ્રૂટની લારી ઉપાડી, પકોડીની છોડી દીધી, હપ્તારાજનો દાવો કરતો વીડિયો વાઈરલ

અમદાવાદના ચાંદલોડિયામાં દબાણ હટાવવાની કામગીરી સામે સવાલો ઉઠ્યા છે. ખોડીયારનગરનો એક વીડિયો વાઈરલ થયો છે, જેમાં ફ્રૂટની લારી હટાવી, પણ બાજુની પકોડીની લારી છોડી દેવાઈ. જાગૃત નાગરિકે પૈસા લઈને લારી છોડી દેવાઈ હોવાનો આક્ષેપ કર્યો છે. રણજીતભાઈ નામના એસ્ટેટ કર્મચારીની હાજરીમાં આ બન્યું. અધિકારીએ વીડિયોની તપાસ કરાવવાની ખાતરી આપી છે.