લાઈટ રિપેરીંગ કરતા 38 વર્ષીય યુવકનું વીજ કરંટથી મોત:હારીજના તંબોળીયા ગામે પોતાના ઘરે રિપેરીંગ દરમિયાન કરંટ લાગ્યો, પોલીસે ગુનો નોંધ્યો

પાટણ જિલ્લાના હારીજ તાલુકાના તંબોળીયા ગામમાં લાઈટ રિપેરીંગ કરતી વખતે એક 38 વર્ષીય યુવકનું વીજ કરંટ લાગવાથી મોત થયું છે. વિષ્ણુભાઈ લવજીજી ઠાકોર નામના આ યુવક પોતાના ઘરે રિપેરીંગનું કામ કરી રહ્યા હતા ત્યારે આ દુર્ઘટના બની. તંબોળીયા ગામના કાંકરેચાવાસમાં રહેતા વિષ્ણુભાઈ ઠાકોર (ઉંમર 38 વર્ષ) પોતાના ઘરમાં લાઈટ રિપેરીંગ કરી રહ્યા હતા. આ દરમિયાન અચાનક તેમને વીજ કરંટ લાગ્યો, જેના કારણે તેમનું ઘટનાસ્થળે જ મોત થયું. આ ઘટના અંગે મૃતકના ભાઈ જયંતિજી લવજીજી સુરસંગજી ઠાકોર (ઉંમર 32 વર્ષ, રહે. તંબોળીયા કાંકરેચાવાસ) દ્વારા હારીજ પોલીસ સ્ટેશનમાં જાણ કરવામાં આવી હતી. પોલીસે અકસ્માતે મોતનો ગુનો (બી.એન.એસ.એસ. કલમ 194 મુજબ) નોંધી વધુ તપાસ શરૂ કરી છે.