કરજુન-3 આંગણવાડીમાં ‘આંગણ મિલન સેવા’ કાર્યક્રમ યોજાયો:ધારાસભ્ય જીતુ ચૌધરીએ વાલીઓને બાળકોને નિયમિત આંગણવાડીમાં મોકલવા અપીલ કરી

કપરાડા તાલુકાના કરજુન ગામની કરજુન-3 આંગણવાડીમાં સોમવારે ‘આંગણ મિલન સેવા’ કાર્યક્રમ યોજાયો. ધારાસભ્ય જીતુભાઈ ચૌધરીના અધ્યક્ષસ્થાને યોજાયેલા આ કાર્યક્રમમાં આંગણવાડીના બાળકો, વાલીઓ અને ગામના આગેવાનો હાજર રહ્યા. ધારાસભ્ય જીતુભાઈ ચૌધરીએ વાલીઓને બાળકોને નિયમિત આંગણવાડીમાં મોકલવા અપીલ કરી. તેમણે વાલીઓની બેઠકોમાં હાજરી આપવા અને બાળકોના પોષણ તથા પ્રાથમિક વિકાસ માટે મળતી સેવાઓનો લાભ લેવા સૂચન કર્યું. સી.ડી.પી.ઓ. ઉન્નતિબેન ચૌધરીના માર્ગદર્શન હેઠળ, આંગણવાડી કાર્યકર, તેડાગર અને આશાવર્કર બહેનોને પ્રશસ્તિપત્ર આપી સન્માનિત કરાયા. ‘તંદુરસ્ત બાળ હરીફાઈ’માં ભાગ લેનાર બાળકોને પણ ઇનામ આપી પ્રોત્સાહિત કરાયા. કાર્યક્રમ દરમિયાન એક કિશોરીએ મુખ્યમંત્રીનો સંદેશ વાંચ્યો. લાભાર્થીઓને THR પેકેટ પણ વહેંચાયા. તાલુકા પંચાયત પ્રમુખ ભરતભાઈ ગાવઠાં, માજી પ્રમુખ હીરાબેન માહલા, સરપંચ સહિતના આગેવાનો ઉપસ્થિત રહ્યા. મુખ્ય સેવિકા કુંતાબેન ચૌધરીએ આભારવિધિ કરી.