નાનાપોંઢા પોલીસે દારૂ ભરેલી ઈક્કો કાર ઝડપી:દમણથી ધરમપુર લઈ જવાતો 2.63 લાખનો દારૂ ઝડપાયો, 5.19 લાખનો મુદ્દામાલ જપ્ત, 2 પકડાયા

વલસાડ જિલ્લાની નાનાપોંઢા પોલીસે જોગવેલ આસલુણ ફળિયા પાસે નાકાબંધી કરી. દારૂ ભરેલી એક ઈક્કો કાર ઝડપી પાડવામાં આવી. પોલીસે બે આરોપીઓની ધરપકડ કરીને કુલ ₹5.19 લાખનો મુદ્દામાલ જપ્ત કર્યો છે. કારમાંથી દારૂ-બિયરની 33 પેટીઓ મળી, જેમાં કુલ 1344 બોટલ/ટીન હતા. તેની કિંમત ₹2,63,760 છે. આ દારૂ દમણથી સેલવાસ થઈ ધરમપુર લઈ જવાઈ રહ્યો હતો. પોલીસે નવસારીના ખેરગામના કારચાલક નિલેશભાઈ મુકેશભાઈ નાયકા પટેલ અને ધરમપુરના ક્લીનર ગૌરાંગભાઈ શાંતિલાલ પટેલની ધરપકડ કરી. જપ્ત કરાયેલા મુદ્દામાલમાં દારૂ, ઈક્કો કાર અને બે મોબાઈલ ફોનનો સમાવેશ થાય છે. આરોપીઓએ પૂછપરછમાં જણાવ્યું કે, દારૂનો જથ્થો મોરખલ સ્કૂલ પાસે એક અજાણ્યા શખ્સે ભરી આપ્યો હતો. તેઓ તેને છૂટક વેચાણ માટે લઈ જતા હતા. પોલીસે ગુનો નોંધી વોન્ટેડ આરોપીની શોધખોળ શરૂ કરી છે.